AZ
RU
.jpg)
Ağsaqqallar Şurasının üzvləri -Heydər Əliyevin məzarını ziyarət ediblər
Azərbaycan Ağsaqqallar Şurasının üzvləri 15 İyun - Milli Qurtuluş Günü münasibətilə Fəxri xiyabanda ümummilli lider Heydər Əliyevin məzarını ziyarət ediblər.
Yenixeber.org: Ağsaqqallar Şurasının sədri, millət vəkili Fəttah Heydərov və şura üzvləri Heydər Əliyevin və akademik Zərifə Əliyevanın da məzarlarını ziyarət edib, məzarlar üzərinə gül dəstələri qoyublar.
F. Heydərov 15 İyun - Milli Qurtuluş Gününün tarixi əhəmiyyəti barədə danışaraq bildirib ki, müstəqil Azərbaycan Heydər Əliyevin şah əsəridir: “Heydər Əliyev xalqın tələbi ilə hakimiyyətə qayıtmasaydı, Azərbaycan müstəqilliyini qoruyub saxlaya bilməyəcəkdi. Ona görə də xalqımız bu günü çox yüksək qiymətləndirir, Milli Qurtuluş Gününü bayram edir. Müstəqil Azərbaycanın dünya dövlətləri sırasında nüfuz qazanmasında ulu öndərin rolu böyükdür. Ağır günlərdə Azərbaycanın müstəqilliyi sual altında qaldıqda Heydər Əliyev xalqın səsinə səs verdi. O, Naxçıvanı işğaldan qorudu və Azərbaycanın qalan torpaqlarının parçalanması prosesinin qarşısını aldı. Ona görə də müstəqil Azərbaycan Heydər Əliyevin şah əsəridir".
