AZ
RU
Liderlərin görüşü vaxtından əvvəl və nəticəsiz başa çatıb
ABŞ Prezidenti Donald Tramp və KXDR lideri Kim Çen In sammit məkanını - Hanoyun ən qədim "Sofitel Legend Metropole" hotelini planlaşdırılan vaxtdan daha əvvəl tərk ediblər.
Yenixeber.org: Bu barədə Rusiya KİV-ləri xəbər verir.
Ölkə liderlərinin erkən ayrılmasının səbəbləri barədə hələlik heç bir informasiya verilmir.
Öz növbəsində, Ağ evin sözçüsü Sara Sanders sammitdə danışıqların daha erkən bitəcəyini və bununla əlaqədar ABŞ Prezidenti Donald Trampın mətbuat konfransının vaxtının dəyişdiyini təsdiqləyib.
Onun sözlərinə görə, D.Trampın daha əvvəldən yerli vaxtla saat 16:00-ya təyin olunan mətbuat konfransı iki saat tez başlayacaq.
Həmçinin qeyd olunub ki, ABŞ Prezidenti və KXDR lideri arasındakı sammitin yekunları üzrə razılaşma əldə olunmayıb.
