AZ
RU
Papa çağırış etdi:Uşaqların ah-naləsi Allaha çatır
Roma Papası Fransisk onminlərlə insanın aclıq və xəstəlikdən əziyyət çəkdiyi Yəməndəki humanitar böhranla bağlı dərin narahatlıq keçirdiyini bildirib.
Yenixeber.org: Bu barədə Papa Vatikandakı Müqəddəs Pyotr meydanında çıxışında deyib.
“Bu ölkədə uşaqlar aclıqdan əziyyət çəkir və onlar anbarlardakı ərzaqları ala bilmir. Bu uşaqların və valideynlərinin ah-naləsi Allaha çatır”, - Papa bildirib.
Papa konflikdə iştirak edən tərəflərə, eyni zamanda beynəlxalq ictimaiyyətə çağırış edərək Yəməndə təcili razılığın əldə olunması üçün hərəkətə keçmələrini istəyib.
