AZ
RU
Səudiyyə Ərəbistanı Camal Qaşıqçı cinayəti ilə bağlı istintaqın İstanbulda aparılması barədə Türkiyə Prezidenti Rəcəb Tayyib Ərdoğanın təklifini rədd edib.
Yenixeber.org: Türkiyə KİV-inə istinadən xəbər verir ki, bu ölkənin xarici işlər naziri Adil Əl-Cubeyr şübhəlilərin Səudiyyə Ərəbistanında sorğulanacağını bildirib.
Xatırladaq ki, hadisənin İstanbulda baş verdiyini söyləyən Türkiyə Prezidenti Səudiyyə rəhbərliyinə cinayətlə bağlı istintaqın İstanbulda aparılmasını təklif etmişdi.
Dünyanın gözü ORADA İDİ: Ərdoğan Qaşıqçı ilə bağlı ŞOK SİRLƏRİ AÇDI - VİDEO
Qeyd edək ki, Camal Qaşıqçı oktyabrın 2-də Səudiyyə Ərəbistanının İstanbuldakı Baş Konsulluğunun binasına gəlib və bundan sonra itkin düşüb.
Səudiyyə Ərəbistanı hökuməti Camal Qaşıqçının Krallığın İstanbuldakı Baş konsulluğunda münaqişə nəticəsində öldüyünü təsdiq edib. Qaşıqçının qətlə yetirilməsi ilə bağlı iş üzrə Səudiyyə Ərəbistanının 18 vətəndaşı saxlanılıb.
