AZ
RU
Milli Məclisdə komitə iclası keçirilib
Bu gün Milli Məclisin Regional məsələlər komitəsinin növbəti iclası keçirilib.
Yenixeber.org: Milli Məclisdən verilən məlumata görə, iclası açan komitə sədri Arif Rəhimzadə əvvəlcə “Yerli (bələdiyyə) vergilər və ödənişlər haqqında” qanunda dəyişiklik edilməsi barədə sənədi şərh etdi.
Qeyd olundu ki, ölkə Prezidentinin qanunvericilik təşəbbüsü qaydasında parlamentə daxil olmuş qanun layihəsi “Daşınmaz əmlakın dövlət reyestri haqqında” 2018-ci il 13 fevral tarixli qanunun tətbiqi ilə əlaqədar hazırlanıb. Qanunun tələblərinə uyğun olaraq səlahiyyətlərinin yerinə yetirilməsi ilə əlaqədar bələdiyyələrə müəyyən edilmiş qaydada və ödəniş əsasında daşınmaz əmlakın dövlət reyestrinin məlumatları verilməlidir. Qeyd olundu ki, Nazirlər Kabinetinin müvafiq qərarı ilə “Bələdiyyələrin yazılı və ya elektron sorğuları əsasında daşınmaz əmlakın dövlət reyestrinin məlumatlarının verilmə qaydası və bununla bağlı ödənişlərin miqdarı” müəyyən edilib. Komitə sədri bildirdi ki, qanunda edilən dəyişikliklər özündə bu məsələləri ehtiva edir.
Sonra komitə üzvləri “Bələdiyyələrin statusu haqqında” və “Bələdiyyə maliyyəsinin əsasları haqqında” qanun layihələrində edilən dəyişiklikləri üçüncü oxunuşda müzakirə etdilər. Bildirildi ki, hər iki sənəddə edilən dəyişikliklər qəbristanlıqların salınması və idarə olunması məsələlərində bələdiyyələrin üzərinə düşən vəzifələri müəyyən edir. Belə ki, bələdiyyələrin bu məsələləri müvafiq icra hakimiyyəti orqanı tərəfindən müəyyən edilmiş qaydalara uyğun olaraq həyata keçirmədiyi hallarda məsuliyyət məsələsini təmin edir və bələdiyyə büdcəsindən qəbristanlıqların salınması, saxlanması, qorunması, idarə olunması və abadlaşdırılması məqsədi ilə zəruri xərclərin tutulmasını təsbit edir.
Millət vəkilləri Rüstəm Xəlilov, Tahir Rzayev, Fəzail İbrahimli, Kamran Bayramov, Azər Badamov, Malik Həsənov, Cavid Osmanov, dəvət olunmuş yerli özünüidarəetmə sahəsinin mütəxəssisləri sənədlərdə edilən dəyişikliklərin bələdiyyələrin fəaliyyətinin təkmilləşdirilməsi sahəsində çox faydalı olacağından söz açdılar.
Müzakirələrdən sonra hər 3 sənəd Milli Məclisin plenar iclasına tövsiyə edildi.
Qeyd olundu ki, ölkə Prezidentinin qanunvericilik təşəbbüsü qaydasında parlamentə daxil olmuş qanun layihəsi “Daşınmaz əmlakın dövlət reyestri haqqında” 2018-ci il 13 fevral tarixli qanunun tətbiqi ilə əlaqədar hazırlanıb. Qanunun tələblərinə uyğun olaraq səlahiyyətlərinin yerinə yetirilməsi ilə əlaqədar bələdiyyələrə müəyyən edilmiş qaydada və ödəniş əsasında daşınmaz əmlakın dövlət reyestrinin məlumatları verilməlidir. Qeyd olundu ki, Nazirlər Kabinetinin müvafiq qərarı ilə “Bələdiyyələrin yazılı və ya elektron sorğuları əsasında daşınmaz əmlakın dövlət reyestrinin məlumatlarının verilmə qaydası və bununla bağlı ödənişlərin miqdarı” müəyyən edilib. Komitə sədri bildirdi ki, qanunda edilən dəyişikliklər özündə bu məsələləri ehtiva edir.
Sonra komitə üzvləri “Bələdiyyələrin statusu haqqında” və “Bələdiyyə maliyyəsinin əsasları haqqında” qanun layihələrində edilən dəyişiklikləri üçüncü oxunuşda müzakirə etdilər. Bildirildi ki, hər iki sənəddə edilən dəyişikliklər qəbristanlıqların salınması və idarə olunması məsələlərində bələdiyyələrin üzərinə düşən vəzifələri müəyyən edir. Belə ki, bələdiyyələrin bu məsələləri müvafiq icra hakimiyyəti orqanı tərəfindən müəyyən edilmiş qaydalara uyğun olaraq həyata keçirmədiyi hallarda məsuliyyət məsələsini təmin edir və bələdiyyə büdcəsindən qəbristanlıqların salınması, saxlanması, qorunması, idarə olunması və abadlaşdırılması məqsədi ilə zəruri xərclərin tutulmasını təsbit edir.
Millət vəkilləri Rüstəm Xəlilov, Tahir Rzayev, Fəzail İbrahimli, Kamran Bayramov, Azər Badamov, Malik Həsənov, Cavid Osmanov, dəvət olunmuş yerli özünüidarəetmə sahəsinin mütəxəssisləri sənədlərdə edilən dəyişikliklərin bələdiyyələrin fəaliyyətinin təkmilləşdirilməsi sahəsində çox faydalı olacağından söz açdılar.
Müzakirələrdən sonra hər 3 sənəd Milli Məclisin plenar iclasına tövsiyə edildi.
.jpg)
