AZ
RU
.png)
Erməni pilotları həlak oldu
Azərbaycan Silahlı Qüvvələri tərəfindən vurulan Ermənistan helikopterində üç pilot həlak olub.
"Xeberinfo.com":Məlumata görə, bu barədə Erminstan Müdafiə Nazirliyi açıqlama yayıb.
Açıqlamaya görə, helikopterdə həlak olan hərbçilərdən birinin adı məlum olub. Bildirilir ki, ölən hərbçilərdən biri komandir Sergey Saakyandır.
Azərbaycan Müdafiə Nazirliyinin mətbuat xidmətindən AzNews.az-a verilən məlumata görə, davamlı olaraq mövqelərimiz üzərində döyüş manevrləri yerinə yetirən düşmən hərbi aviasiyası bu gün daha açıq şəkildə döyüş kursuna çıxaraq uçuşlar keçirməklə mövqelərimizə atəş açmağa cəhd edib.
Noyabrın 12-də saat 13:45 radələrində cəbhənin Ağdam rayonunun Kəngərli kəndindən 1700 metr şimal-şərq istiqamətində Ermənistan Respublikası Silahlı Qüvvələrinə məxsus Mi-24 tipli helikopteri döyüş kursuna enərək mövqelərimizə hücum edib.
Qoşunlarımız tərəfindən açılan cavab atəşi nəticəsində düşmən helikopteri məhv edilib.
