AZ
RU
.png)
Ankarada Ərdoğanla Putin arasında görüş başlayıb
Ankarada Türkiyə prezidenti Rəcəb Tayyib Ərdoğanla Rusiyanın dövlət başçısı Vladimir Putin arasında görüş başlayıb
Yenixeber.org: Görüş Türkiyə prezidentinin Beştəpə iqamətgahında keçirilir.
Qeyd edək ki, bu gün Rusiya prezidenti Vladimir Putinin Türkiyəyə ikigünlük rəsmi səfəri başlayıb. İki dövlətin liderləri Türkiyə-Rusiya Yüksək Səviyyəli Əməkdaşlıq Şurasının toplantısında iştirak edəcəklər. Ankara ilə Moskva arasında əlaqələrin hazırkı vəziyyəti və gələcək inkişaf perspektivlərindən danışılacaq yığıncaqda Suriyadakı son vəziyyət də müzakirə olunacaq. Toplantıdan sonra Türkiyə ilə Rusiya arasında müqavilələrin imzalanması və prezidentlərin birgə mətbuat konfransı keçiriləcək. R.T.Ərdoğan və V.Putin video-konfrans vasitəsi ilə Akkuyu Atom Elektrik Stansiyasının təməlqoyma mərasiminə qatılacaqlar. Sonra Türkiyə prezidenti rusiyalı həmkarının şərəfinə ziyafət verəcək.
