Yenixeber.org: Qalmaqallı bəyanatları ilə seçilən ABŞ prezidentindən daha bir qeyri-adi təklif - müəllimlərə silah verilsin. Məlumata görə, Donald Tramp müntəzəm olaraq ABŞ məktəblərində baş verən silahlı insidentlərdən özünəməxsus çıxış yolu tapıb. O, məktəb işçilərinin silah gəzdirməsinə icazə verilməsini təklif edib.

Prezident bu barədə Florida ştatında bir neçə gün öncə baş verən atışma nəticəsində zərərçəkənlərlə görüşündə deyib. "Müəllimlər xüsusi hazırlıq keçə bilərlər. Belə hücumlar adətən 3 dəqiqəyə yaxın davam edir. Polis isə hadisə yerinə 5-10 dəqiqəyə çatır.

Əgər silahdan istifadə edə bilən müəllimlər olsa onlar hücumun qarşısını ala bilərlər. Cinayətkarlar qorxaqdırlar və onlara atəş açan adamın olmayacağını düşündükləri üçün belə hücumlar edirlər."

Tramp məktəblərin mühafizə xidmətinə də silahla davranış qaydalarını bilən, keçmiş hərbçilərdən işə götürməyi məsləhət görüb. 

Xatırladaq ki, Florida məktəblkərindən birində silahlı insident fevralın 14-də baş verib. Bir müddət öncə məktəbdən nizamsız davranışlarına görə çıxarılan yeniyetmə onlarla adamı güllələyib. Nəticədə 17 nəfər ölüb.