AZ
RU
Ərdoğana Bakı otelində sürpriz
Azərbaycana səfər edən Türkiyənin yeni prezidenti Rəcəb Tayyib Ərdoğan Bakıda məşhur otellərdən birində gecələyib.
"Xeberinfo.com": Məlumata görə, gecə saatlarında otelə gələn Ərdoğan maraqlı mənzərə ilə qarşılaşıb. Belə ki, onu otelin girişində rəngarəng güllələrlə bəzədilən və üzərində Azərbaycan-Türkiyə bayraqları olan gül çələngi ilə qarşılayıblar.
Gül gələnginin üzərinə isə “Hörmətli Prezidentimiz Xoş Gəldin” mesajı qeyd olunub.
Qeyd edək ki, ötən gecə Türkiyə Respublikasının Prezidenti Rəcəb Tayyib Ərdoğan Azərbaycan Respublikasına rəsmi səfərə gəlib.
Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.
Türkiyənin Prezidenti Rəcəb Tayyib Ərdoğanı və xanımı Əminə Ərdoğanı hava limanında Azərbaycanın Baş nazirinin birinci müavini Yaqub Eyyubov və digər rəsmi şəxslər qarşılayıblar.
