İranın Kəşfiyyat Nazirliyi cümə axşamı ölkədə işğtişaşları təhrik etməyə çalışan terrorçu qruplaşmanın darmadağın edilməsi, üzvlərinin isə təhlükəsizlik qüvvələri ilə toqquşmalardan sonra həbs olunması barədə məlumat yayıb

Yenixeber.org: “Silahlı qruplaşma ölkədə başlayan iğtişaşları dəstəkləmək üçün partlayışlar törətmək və günahsız insanları öldürmək məqsədilə İrana girib”, - deyə nazirliyin bəyanatında bildirilir.

Bəyanatda qeyd olunur ki, terrorçular Qərbi Azərbaycan ostanının cənub-qərbində yerləşən Piranşəhr şəhərində təhlükəsizlik qüvvələri ilə toqquşmada hüquq-mühafizə orqanlarının üç əməkdaşını öldürüblər.

Əməliyyat zamanı bir terrorçu öldürülüb, digər qruplaşma üzvləri isə toqquşma nəticəsində yaralanıblar.

Məlumata görə, əməliyyat zamanı silahlar, o cümlədən Kalaşnikov avtomatları, əl qumbaraları, hərbi forma və iğtişaşları təhrik etməklə bağlı təlimatlar aşkarlanıb.

Bəyanatda deyilir ki, bundan əvvəl İranın qərbində daha üç terrorçu qruplaşma aşkarlanaraq, darmadağın edilib.