AZ
RU
Berlində terror aktı qurbanlarının xatirəsi əbədiləşdirilib
Bu gün Berlinin mərkəzində bir il əvvəl Milad yarmarkasında törədilmiş terror aktı qurbanlarının xatirəsinə memorial açılıb. Rəsmi açılış mərasimi Kayzer Vilhelm Memorial Kilsəsinin yaxınlığında Braytşaydplats meydanında olub
Yenixeber.org: Memorial faciənin baş verdiyi ərazidə 14 metr uzunluğunda qızıl suyuna çəkilmiş çatdan ibarətdir. Kilsənin yaxınlığındakı pilləkən meydançasına qədər uzanan çatın üzərində belə bir yazı həkk edilib: “2016-cı il 19 dekabr terror aktı qurbanlarının xatirəsinə. Bütün insanların dinc yanaşı yaşaması üçün. Həmin gecə həlak olublar:...” Sonra əlifba sırası ilə həlak olanların adları gəlir. Layihə müəlliflərinin sözlərinə görə, memorial bir növ yara yerini, faciənin “yaralıların, şahidlərin və xilasedicilərin həyatında yaratdığı çatı” xatırlatmalıdır.
“Merz.Merz” dizayner bürosu tərəfindən işlənib hazırlanan bu layihənin həyata keçirilməsinə Berlin Senatı 100 min avro ayırıb.
.jpg)
