AZ
RU
Tacikistanın Əfqanıstanla sərhədində atışma:Hərbi hissə komandiri öldü
Ötən gecə Əfqanıstanla sərhəddə atışma zamanı Tacikistanın hərbi hissə komandiri ölüb, 4 hərbçi ağır yaralanıb
Yenixeber.org: Bu barədə Tacikistan Milli Təhlükəsizlik Komitəsi məlumat yayıb.
Tacikistanın Əfqanıstanla sərhəddə yerləşən Şamsiddin Şoxin rayonunda əfqan qaçaqmalçıları ilə atışma zamanı polkovnik Xayriddin Əhmədov ölüb, 4 hərbçi ağır yaralanıb. Yaralılar xəstəxanaya yerləşdirilib.
Qeyd edək ki, Tacikistanın Əfqanıstanla 1430 km sərhədi var. Şamsiddin Şoxin rayonu mürəkkəb relyefi ilə bağlı sərhəddə yerləşən ən gərgin sahədir. Burada tez-tez narkotik vasitə tacirləri və silahlı qaçaqmalçılarla atışma baş verir.
