Valideynlərin, xüsusən məktəblilərin sevimli dəftərxana ləvazimatları markası olan OYAL “Ofisait” mağazalar şəbəkəsinin təşkilati dəstəyi ilə “Mənim Azərbaycanım” mövzusunda rəsm müsabiqəsi elan edir

Yenixeber.org: Müsabiqədə iştirak edən uşaqların layihədən daha çox faydalanması və hər birinin müsabiqənin qalibi olma şansının artması üçün Azərbaycan rəssamlıq sənətinin canlı tarixi hesab olunan xalq rəssamı, professor Arif Hüseynov iştirak edəcək, hər bir iştirakçıya fərdi qaydada istiqamət verəcək, uşaqlara peşəkar rəssamın zəngin təcrübəsindən faydalanmaq imkanı yaradılacaqdır. Müsabiqənin bütün iştirakçıları OYAL tərəfindən sertifikat və müxtəlif qiymətli hədiyyələr əldə edəcək, ilk 3 yerin qalibi isə “Ofisait” mağazalar şəbəkəsindən 300, 200, 100 AZN məbləğində hədiyyə kuponu və xüsusi mükafatla təltif olunacaq.

Müsabiqənin şərtləri:

1. Müsabiqə iştirakçılarının yaş həddi - 10-18;
2. Rəsm müsabiqəsi Azərbaycan xalq rəssamı, professor Arif Hüseynovun iştirakı ilə təşkilatçının öncədən təyin etdiyi ünvanda həyata keçiriləcəkdir;
3. Hər bir iştirakçının istifadəsinə 1 ədəd molbert, 45X60 sm ölçülərində kağız və iştirakçının istəyinə  uyğun olaraq OYAL markalı rəngli karandaş, sulu boya və rəsm çəkən zaman öz istedadını ən uğurlu ifadə edə biləcəyi istənilən texniki ləvazimatlarla təmin olunacaq;
4. Müsabiqə günü hər bir iştirakçıya  xalq rəssamı ilə fərdi master klass keçməsinə şərait yaradılacaq, daha sonra “Mənim Azərbaycanım” mövzusunda rəsm çəkiləcəkdir;
5. Müsabiqə ayda 2 dəfə olmaqla, 6 ay ərzində 12 dəfə keçiriləcək; 
6. Hər bir müsabiqəyə ancaq 15 nəfər iştirakçı qatıla bilər; 
7. 6 ay ərzində çəkilən bütün əsərlər təşkilatçıda toplanacaq, 15 iyun 2018-ci il tarixində qaliblərin adı açıqlanacaq;
8. Müsabiqədə çəkilən bütün rəsmlər qaliblər elan olunduqdan sonra qiymətli hədiyyələrlə birlikdə iştirakçılara geri qaytarılacaq.

“Mənim Azərbaycanım” rəsm müsabiqəsinin 1-ci mərhələsi 30 noyabr 2017-ci il, saat 11:00-da Xətai rayonu, Xudu Məmmədov küç., 41 (Həzi Aslanov metrosunun yaxınlığı) ünvanında yerləşən “Ofisait” mağazasında keçiriləcəkdir.

Müsabiqədə iştirak etmək istəyənlərdən OYAL-ın "Facebook" və "Instagram" səhifəsindən online qeydiyyatdan keçib müvafiq blankı doldurması xahiş olunur. Bütün iştirakçılara uğurlar arzulayırıq.

Qeyd edək ki, uşaqlar və yeniyetmələr tərəfindən ən çox sevilən ekoloji sağlam OYAL məktəbli ləvazimatlarını Bakı, Abşeron, Sumqayıt, Lənkəran, Tovuz və Bərdədə yerləşən “Ofisait” mağazaları ilə yanaşı, şəhərimizin dəftərxana ləvazimatları satılan bir çox mağazalarından əldə etmək mümkündür. Həmçinin ölkənin ən böyük online satış portallarından biri olan www.ofisait.com vasitəsilə də Siz mənzil və ofislərinizdə internet vasitəsilə istənilən məhsulu sifariş verə bilərsiniz. “Ofisait”in gülərüz və dinamik komandası Sizin sifarişinizi operativ olaraq qeyd etdiyiniz ünvana təslim edir. Ödənişlərin nəğd və online həyata keçirilməsi mümkündür.