ABŞ-da məhkumlar üzərində yeni araşdırma aparılıb

Yenixeber.org: Tədqiqat ölüm cəzasına məhkum edilən məhkumların son sözləri incələnib və ən çox hansı kəlmələrdən istifadə edildiyi müəyyənləşdirilib.

Tədqiqat 500 məhkum üzərində aparılıb. Məhkumlar edamdan əvvəl sonuncu dəfə söhbət etmək haqqına sahibdirlər. Müəyyən edilib ki, ölüm cəzasına məhkum edilənlər son söhbətlərində ən çox sevgi, eşq mənasına gələn "love" sözündən istifadə edirlər.

Məhkumların son sözlərindən biri də ailə kəlməsidir. Bundan başqa təşəkkürlər, təəssüf edirəm, Tanrı, ümid, bağışlamaq, İsa, sülh, həyat kəlmələri sıra ilə ən çox istifadə edilən sözlər arsında yer alıb. Nadir hallarda isə məhkumların dilindən peşmanlıq sözü çıxıb. Ölüm hökmünə məhkum edilənlər son anlarında məsumluq kəlməsini də nadir hallarda istifadə edirlər. Nəzarətçi, güclü, acı, ölüm, qəlb, sevgili və hazır olmaq da tez-tez istifadə edilən kəlmələr arasındadır.

Müsəlman məhkumlar isə son sözlərində Allah kəlməsindən istifadə edirlər.