AZ
RU
“Rusiya bu ölkəyə girməyə hazırlaşır” -CNN
ABŞ kəşfiyyatı Liviya sərhədi yaxınlığında Rusiyanın təyyarələrini və pilotsuz qurğularını aşkarlayıb.
Yenixeber.org: CNN-in məlumatına görə, ABŞ rəsmiləri bunu Rusiyanın Liviyaya girmək planının növbəti sübutu kimi qəbul edirlər.
“Rusiya Liviyanın daxilində hökumətə təsir göstərməyə çalışır”, – deyə general Tomas Valdxauzer bildirib.
Ötən həftə Senatın Silahlı Qüvvələr Komitəsi də Rusiyanın bu niyyəti ilə bağlı narahatlığını ifadə etmişdi.
Senator Lindsi Qrem qeyd etmişdi ki, Rusiya Suriya kimi, Liviyada da təsir imkanlarını artırmağa çalışır.
Putinin mətbuat katibi Dmitri Peskov Liviya sərhədi yaxınlığında Rusiya təyyarələri və pilotsuz qurğularının olması barədə suala “Bizdə belə bir məlumat yoxdur” deyərək cavab verib.
Qeyd edək ki, Qəddafinin devrilməsindən 5 il sonra Liviyada üç ayrı qüvvə iqtidar uğrunda mübarizə aparır.
