Redaktor seçimi
Zaur Mikayılov Eldar Əzizovun kölgəsində “üzür” –
Anar Əlizadəyə Serbiya pasportu nədən verildi - Adı rusiyalı casuslar, müharibə oliqarxları ilə birgə hallanan milyonçu kimdir?/
Saleh Məmmədov dərhal həbs olunmalıdır,... PKK terror təşkilatının missioneridir -
Təhməzlilərin "6-cı mərtəbə"sində çirlki pullar belə yuyulur -
Səbzəliyev qardaşlarının “Sobsan” boya fabriki ekoloji fəlakət yaradır-
Heydərovların “London macərası” başa çatdı – 
Qadının evini başına uçuran “Melissa Group” tikinti şirkəti kimindir? -
Deputatlığa namizəd olmuş “Emil Daymond” kimi tanınan Emil Məmmədov əslində kimdir? -
Günün xəbəri

Jurnalist azadlığa buraxıldı -MƏHKƏMƏ

 

Böhtanda təqsirləndirilərək həbs edilən realliq.az saytının redaktoru İkram Rəhimov və mediaya müraciət yazmış vətəndaş Rəhman Novruzov məhkəmə zalından azadlığa buraxıb.

Yenixeber.org:   “Azadlıq” radiosuna istinadən xəbərə görə, qərarı Sumqayıt Apellyasiya Məhkəməsi bu gün, martın 1-də jurnalistin şikayətinə baxış zamanı qəbul edib.

Apellyasiya şikayətində İ.Rəhimov və R.Novruzova bəraət verilməsi istənilirdi.

Məhkəmə şikayəti qismən təmin edib. Jurnalistə və onun mənbəyinə 9 ay müddətinə islah işləri cəzası təyin edilib. Məhkəmə azadlıqdan məhrumetmə cəzasını islah işləri cəzası ilə əvəzləyib.

Hər iki şəxs cəzasını çəkmiş sayıldığından məhkəmə zalından azadlığa buraxılıblar.

Məhkəmədən sonra jurnalistin və onun mənbəyi R.Novruzovun vəkili Elçin Sadıqov qərarla razı olmadıqlarını bildirib.

 «İkram Rəhimovun həbs olunması, ona verilən ittiham tamamilə əsassız və qanunsuz idi. Bununla belə, məhkəmə sifarişli qərar verilərək jurnalistin ifadə azadlığı hüququna kobud müdaxilə etmişdi. İndi məhkəmə ona bəraət verməli idi», - vəkil deyib.

Elçin Sadıqov bildirib ki, qərardan Ali Məhkəməyə şikayət ediləcək, jurnalistə bəraət verilməsini tələb edəcək.

«Ali Məhkəmə bəraət verməzsə, Avropa İnsan Hüquqları Məhkəməsinə şikayət edəcəyik. Avropa İnsan Hüquqları Məhkəməsi təcrübəsi aydın şəkildə göstərir ki, jurnalistin ifadə azadlığına cinayət hüquqi müdaxilə, yəni həbs cəzası yolverilməzdir», - vəkil əlavə edib.

Realliq.az saytının redaktoru İkram Rəhimov Sumqayıtdakı «Ucuz market» ticarət mərkəzinin rəhbərinin xüsusi ittiham qaydasında şikayəti əsasında həbs olunub. İ.Rəhimov həmin ticarət rəhbərinin vergidən yayınması, şəhər rəhbərliyinə rüşvət verməsi haqqında vətəndaş R.Novruzovun şikayət məktubunu dərc etmişdi.

Sumqayıt Şəhər Məhkəməsi ötən ilin noyabrında həm jurnalisti, həm də ona şikayət məktubu yazan Rəhman Novruzovu Cinayət Məcəlləsinin 147.1-ci (böhtan) maddəsi ilə günahkar bilərək, 1 il azadlıqdan məhrum etmişdi.

Jurnalist mühakimə edildikdən sonra vəkili vasitəsilə hələ polisdə saxlanarkən ona işgəncə verildiyini açıqlamışdı.

Daxili İşlər Nazirliyi, eləcə də Sumqayıt şəhər İcra Hakimiyyəti jurnalistin bu fikirlərini təkzib etmişdi.

Ancaq jurnalistin vəkilləri işgəncə iddialarının araşdırılmasından ötrü ayrıca hüquq-mühafizə qurumlarına müraciət ediblər.


Facebook-da paylaş

Yeni xəbərlər

Reklam

Reklam