AZ
RU
Bir neçə rayonun polis rəisi dəyişdirildi
Azərbaycanda bir neçə rayonun polis rəisi dəyişdirilib.
"xeberinfo.com": Nazirliyin mətbuat xidmətindən aldığımız məlumatda qeyd olunur ki, bu barədə daxili işlər naziri, general-polkovnik Ramil Usubov müvafiq əmrlər imzalayıb.
Əmrlərə əsasən, Oğuz rayon Polis Şöbəsinin rəisi Habil Əmiraslanov tutduğu vəzifədən azad edilərək Şamaxı rayonuna polis rəisi təyin edilib. Nazirin digər əmri ilə isə Yasamal rayon Polis İdarəsinin 26-cı Polis Bölməsinin rəisi Cəmil Əmirov Oğuz rayon Polis Şöbəsinin rəisi vəzifəsinə təyinat alıb.
Xatırladaq ki, bir neçə saat bundan öncə, R. Usubov Siyəzən Rayon Polis Şöbəsinin rəisi Nizami Əlirzayevin də tutduğu vəzifədən azad edilməsi barədə məlumat vermişdik.
Siyəzən Rayon Polis Şöbəsi və 26-cı Polis Bölməsinə hələlik rəis təyin olunmayıb.
.jpg)
