Türkiyənin “Tekfen İnşaat” şirkəti Azərbaycanın Vergilər Nazirliyi ilə müqavilə imzalayıb.

Xeberinfo.com: “Marja”nın məlumatına görə,”Tekfen İnşaat” şirkəti Vergi Nazirliyinin yeni inzibati binasını tikəcək. Bina Heydər Əliyev prospektində tikiləcəkdir.
Müqavilənin dəyəri 94 milyon dollardır (Təxminən 150 milyon manat).
“1996 ildən bəri fəaliyyət göstərdiyi Azərbaycanda çox sayda mühüm layihəyə imza atan Tekfen İnşaat, portfelinə mühüm bir layihə əlavə etdi. Azərbaycan Vergi Nazirliyinin yeni inzibati binasının tikintisini dəmir-beton-polad və xarici cəbhə üzlənməsilə 94 milyon dollar qiymətlə alan Tekfen İnşaat, layihəbi 60 illik təcrübəsi ilə son texnologiyalardan istifadə edərək həyata keçirəcək”,- “Tekfen İnşaat”dan “Marja”ya bildirilib.
Xatırladaq ki, Vergilər Nazirliyi yeni inzibati binanın tikintisi çərçivəsində işlərin icrası üçün ötən ilin yazında podratçı seçimi üzrə tender elan etmişdi.
Vergilər Nazirliyinin yeni 31 mərtəbəli inzibati binası H.Əliyev prospekti 105 və Müzəffər Nərimanov küçəsinin kəsişməsində yerləşəcək.