AZ
RU
Türkiyədə hərbi qiyamla bağlı həbs edilənlərin sayı 6 min nəfəri ötdü
Türkiyədə iyulun 15-də baş tutmayan hərbi çevriliş cəhdində iştirak etməkdə təqsirləndirilən şəxslərin həbs olunmaları davam edir.
Xeberinfo.com: İndiyədək ölkə üzrə həbs olunanların sayı 6 mini ötüb.
Bu barədə Türkiyənin ədliyyə naziri Bekir Bozdağ məlumat verib. Nazir qiyamda iştirakı müəyyən edilən şəxslərin ədalət mühakimə cəlb olunacağını vurğulayıb. Bildirilib ki, bu şəxslərlə bağlı məhkəmə prosesi Türkiyə tarixində ən böyük məhkəmə işlərindən biri olacaq.
Qeyd edək ki, təkcə İstanbulda 2300 nəfər cinayət məsuliyyətinə cəlb olunub.
* * *12:27
Türkiyədə hərbi yolla dövlət çevrilişinə cəhddə ittiham olunan Dənizli Qarnizonunun və 11-ci Kommando Briqadasının komandiri, general-mayor Özhan Özbəkir və daha 51 hərbçi saxlanılıb.
"Anadolu" agentliyinə istinadən xəbərə görə, saxlanılanların hamısı yüksək rütbəli hərbçilərdir.
Agentliyin məlumatına görə, 15 iyulda baş vermiş dövlət çevrilişinə cəhdlə əlaqədar həbs olunmuş 105 yüksək rütbəli hərbçidən 58-i haqqında istintaq başa çatıb, 6 hərbçi sərbəst buraxılıb.
Qiyamda iştirakda şübhəli bilinən digər hərbçilərlə bağlı isə istintaq davam edir.
