AZ
RU
Narazı dəmiryolçular etiraz aksiyasını təxirə saldı
Xeberinfo.com: Bir müddət əvvəl “Azadlıq”a müraciət edən bir qrup dəmiryolçu “Dövlət Dəmir Yolları” QSC-dən şikayətçidirlər.
Dəmiryolçular problemləri ilə əlaqədar dəfələrlə Bakı Şəhər Icra Hakimiyyətinin rəhbəri Hacıbala Abutalıbova müraciət ediblər. Onlar piket keçirmək üçün münasib yer ayrılmasını xahiş ediblər. Mənimsənilmiş əməkhaqqını, çörəkpulunu, ezamiyyət pulunu tələb edən şikayətçilər onları qəbul etməyən dövlət məmurlarının əməllərinə etiraz olaraq, aprelin 7-də Prezident Administrasiyasının qarşısında oturaq aksiya keçirmək qərarı vermişdilər. Lakin dünən redaksiyamızla əlaqə saxlayan dəmiryolçular atəşkəsin pozulması səbəbindən aksiyanı müvəqqəti olaraq təxirə saldıqlarını bildiriblər.
Lakin onlar öz tələblərində israrlıdırlar. Sabiq dəmiryolçular ordumuzun əsgərlərinə bu yolla mənəvi dəstək olduqlarını bildiriblər. Dəmiryolçular aksiyanın keçirilməsilə bağlı vəziyyətdən asılı olaraq qərar verəcəklər.
