AZ
RU
İcra başçısına yeni müavin təyin olundu
Sumqayıt şəhər icra hakimiyyətində yeni kadr təyinatı olub.
Xeberinfo.com: Xeberle.com-un məlumatına görə Teymur Qırımxan oğlu Səmədov Sumqayıt şəhər İcra Hakimiyyəti başçısının müavini - İctimai-siyasi və humanitar məsələlər şöbəsinin müdiri təyin olunub.
Məlumat üçün qeyd edək ki, bu təyinata qədər T.Səmədov Sumqayıt Təhsil şöbəsinin müdiri vəzifəsində çalışıb. Müavin vəzifəsinə təyin olunan T. Səmədov Təhsil şöbəsinin müdiri vəzifəsindən azad edilib.
T. Səmədov təyinatı təsdiqləyib və ona göstərilən etimada görə Sumqayıt şəhər İcra hakimiyyəti başçısı Zakir Fərəcova minnətdarlığını bildirib.
Qeyd edək ki, müavin vəzifəsi ötən ilin noyabr ayından boş qalmışdı. Həmin vəzifəni tutan Elgin Həbibullayev öz ərizəsi ilə vəzifəsindən azad edilmişdi.
Xatırladaq ki, Zakir Fərəcov Sumqayıt şəhər İcra Hakimiyyətinin başçısı təyin olunduqdan sonra şəhərdə kadr islahatlarına başlayıb və hazırda bu islahatlar davam edir.
