Keçmiş milli təhlükəsizlik naziri Eldar Mahmudovun yaxın qohumu, Bakı Telefon Rabitəsi İstehsalat Birliyinin rəhbəri Beytulla Hüseynovun saxlanması haqqında informasiya yayılıb.

"Xeberinfo.com":   Məlumata görə, Modern.az saytı B.Hüseynovun işdə olub-olmadığını dəqiqləşdirmək istəsə də, Rabitə və İnformasiya Texnologiyaları Nazirliyinin mətbuat xidmətindən bu haqda onlara heç bir informasiya verilmədiyini qeyd ediblər. 

B.Hüseynovun otağına zəng etdikdə isə telefona katibəsi cavab verərək, onun işdə olub-olmadığı haqda heç nə bilmədiyini deyib. 

***

“Qafqazinfo”nun bu dəqiqələrdə əldə etdiyi məlumata görə, bu gün B. Hüseynov artıq vəzifəsindən azad olunub. Onun hazırda harada olması haqda məlumat yoxdur.

Məlumata görə Eldar Mahmudov nazir təyin olunandan sonra vəzifəyə gətirdiyi Beytulla Hüseynov işlədiyi dövrdə bir sıra qanunsuzluqların baş verməsində, özbaşına fəliyyətdə, özündən yüksək vəzifəlilərə tabe olmamaqda və MTN-dəki cinayətkar şəbəkənin fəaliyyəti üçün şərait yaratmaqda ittiham olunur.