AZ
RU
MTN “Azadlıq” radiosunun xəbərini təkzib etdi
Azərbaycan Milli Təhlükəsizlik Nazirliyi haker hücumlarına yardım edən İtaliyanın "Hacking Team" şirkəti ilə əməkdaşlıq etməsi barədə yayılan məlumatları təkzib edib.
"Xeberinfo.com": “Azərbaycan Milli Təhlükəsizlik Nazirliyi bu məlumatları tam təkzib edir. Yayılan məlumatlar tamamilə yalandır”, - MTN-in İctimai Əlaqələr İdarəsinin rəhbəri Arif Babayev deyib.
Bu məlumat yayan Azadlıq radiosunun bildirdiyinə görə, "Hacking Team" şirkəti polisin vətəndaşlara haker hücumlarına yardım göstərir: "İndi isə bu şirkətin özü hücuma məruz qalıb. Şirkətin Tvitter hesabını ələ keçirən naməlum hakerlər daxili yazışmaları, 500GB-lik (theverge.com 400 GB yazır-red.) daxili faylları açıblar. “Hacking Team”in 40-dan çox işçisi var və onlarla ölkədə hüquq-mühafizə orqanlarına kommersiya məqsədli haker proqramları satır. Həmin ölkələrin arasında Mərakeş, Efiopiya, Birləşmiş Ərəb Əmirlikləri, o cümlədən Azərbaycan var. Azərbaycan Milli Təhlükəsizlik Nazirliyinin adı şirkətin müştəriləri sırasındadır. Müştərilər içində ABŞ-ın Federal Təhqiqatlar Bürosu (FBI), Çin, Avstraliya, İspaniya, İraqın adlarına da rast gəlinir". /Meydan TV/
