“Moldova bitərəf qalacaq və Ukraynaya görə Rusiyaya qarşı sanksiyalar tətbiq etməyəcək”.

Yenixeber.org: Bu barədə “Radio Europa Liberă”yə müsahibəsində Moldova Prezidenti Maia Sandu danışıb.

Moldova enerji ehtiyatlarına görə Rusiya Federasiyasından güclü asılılığa malikdir. Kişinyov qaz və işıqsız qalmaqdan qorxur.

“Kişinyov neytral qalacaq və Qərbin Rusiyaya qarşı tətbiq etdiyi sanksiyalara qoşulmayacaq”, – Sandu deyib.

Onun sözlərinə görə, Moldovanın Moskvadan əsas asılılığı enerji resursları olaraq qalır, ölkə onsuz qala bilməz və hələ ki, Rusiyadan qaz və elektrik tədarükünün alternativi yoxdur.

Sandu əlavə edib ki, Qərb ölkələri artıq alternativ təchizat yollarının tapılmasına kömək etməyi təklif ediblər, lakin onlar tapılana qədər ölkə hökuməti “reallığı nəzərdən qaçırmayacaq”.

“Ölkəni enerji resursları olmadan qoyub burada vəziyyəti sabitləşdirməklə biz heç kimə kömək etməyəcəyik: nə Moldovaya, nə Ukraynaya, nə də Qərbdəki tərəfdaşlarımıza”, – deyə o bildirib.

Sandu həmçinin xatırladıb ki, ölkəsi Ukraynadan yarısı uşaq olan 100 min qaçqını qəbul edib və buna görə də Rusiya onları qaz və işıqsız qoymaqla hədələyir.

Bundan əlavə, o qeyd edib ki, Rusiya və Belarusdan olan digər malların bütün tədarükləri Ukraynadan keçib, lakin müharibə başlayandan sonra onlara artıq giriş yoxdur.

Əvvəllər xəbər verildiyi kimi, martın 31-də Gürcüstan rəhbərliyi buna baxmayaraq, Qərbin Rusiyaya qarşı sanksiyalarını dəstəkləmək qərarına gəlib.