AZ
RU
Bayden daimi nümayəndələrlə danışıqlar apardı
ABŞ Prezidenti Co Bayden BMT Təhlükəsizlik Şurasına üzv ölkələrin daimi nümayəndələri ilə onlayn görüş keçirib.
Yenixeber.org: Bu barədə Ağ Ev məlumat yayıb.
Görüş zamanı Amerika rəhbəri Birləşmiş Ştatların qlobal liderliyə bağlılığını, BMT də daxil olmaqla beynəlxalq təşkilatlarla qarşılıqlı əlaqələrin bərpasına sadiqliyini təsdiqləyib.
“Prezident pandemiyaya son qoymaq, qlobal səhiyyə təhlükəsizliyini yaxşılaşdırmaq, ədalətli və davamlı iqtisadi dirçəlişin bərpasını təmin etmək üçün qlobal tərəfdaşlarla və çoxtərəfli qurumlar vasitəsi ilə çalışmanın vacibliyini qeyd etdi.
Bundan əlavə, Bayden ABŞ-ın BMT-nin İqlim və Təhlükəsizlik üzrə Dostlar Qrupuna rəsmi qoşulmaq niyyəti barədə daimi nümayəndələrə məlumat verdi. Dövlət başçısı, həmçinin Myanma, Liviya, Suriya, Efiopiya və Yəməndəki böhranlarla əlaqədar BMT Təhlükəsizlik Şurasının fəaliyyətinə ehtiyac olduğunu vurğuladı", - deyə məlumatda qeyd olunub.
.jpg)
