AZ
RU
Ermənistanda güc strukturları toplandı
Ermənistanın baş naziri Nikol Paşinyan hüquq-mühafizə orqanlarının rəhbərləri ilə vətəndaşların təhlükəsizliyi və hüquq qaydalarının qorunması məsələlərini müzakirə edib.
Yenixeber.org: Məlumatı “Novosti Armeniya” yayıb.
Bildirilir ki, görüşdə Milli Təhlükəsizlik Xidmətinin direktoru Armen Abazyan, polis rəisi Vage Kazaryan, ədliyyə naziri Rüstəm Badasyan, Milli Məclisin dövlət-hüquq məsələləri daimi komissiyasının sədri Vladimir Vardanyan və digər rəsmi şəxslər iştirak ediblər.
Paşinyan qeyd edib ki, hazırkı vəziyyətdə dövlət orqanlarının dəqiq işinə ictimai tələbat artır. Görüş iştirakçıları noyabrın 10-da gecə baş vermiş hadisələrlə - hökumət və parlament binasında iğtişaşlar, Milli Məclisin spikeri Ararat Mirzoyana hücum və döyülməsi ilə bağlı araşdırmaların gedişini də müzakirə ediblər.
.jpeg)
