AZ
RU
Ceyhun Bayramov:: "Bu ildən orta təhsil səviyyəsində keçiriləcək qəbul imtahanlarında yeni model tətbiq olunacaq"
"2018-2019-cu tədris ilində tam orta təhsil səviyyəsində keçiriləcək qəbul imtahanlarında yeni model tətbiq olunacaq. Bununla bağlı bir sıra hazırlıqlar görülüb. Növbəti dövrdə də Dövlət İmtahan Mərkəzi ilə sıx əməkdaşlığımız davam edəcək"
Yenixeber.org: Bunu Təhsil Nazirliyinin hesabat tədbirində təhsil naziri Ceyhun Bayramov deyib.
O bildirib ki, növbəti tədris ili nazirlik üçün xüsusi tədris ilidir: "Tam orta təhsil səviyyəsinin qəbul imtahanlarında tətbiq ediləcək yeni modelin əsas üstünlüyü odur ki, artıq növbəti tədris ilində buraxılış İmtahanının nəticələri nəzərə alınacaq. Həmçinin abituriyentlərin xüsusi qabiliyyətləri yoxlanılacaq. Növbəti tədris ilində qəbul imtahanlarında fənlərin sayı 5-dən 3-ə endiriləcək".
