Vayfay müasir dünyanın gizli, səssiz qatili adlandırılır. Bu səbəbdən həkimlər, alimlər mütəmadi olaraq onun ziyanları barədə danışıb uşaqları, körpələri bu qurğudan uzaq tutmaq barədə xəbərdar edirlər

Yenixeber.org: Çünki naqilsiz vayfay xətti “WLAN” adlanan elektromaqnit dalğaları yayır. Böyük Britaniyanın Sağlamlıq Agentliyi sübut edib ki, vayfay marşrutları insan və bitkilərin boy artımını ləngidir. Yəni bu qurğu olan olan otaqda bitkilər uzanmır. Bu inkişaf mərhələsində olan uşaqlara da eyni dərəcədə təsir edir. Buna görə mütəxəssislər uşaq olan evdə vayfay olmasını yolverilməız hesab edir.

Artıq Yaponiya və Avropada bir sıra uşaq bağçaları və məktəblərdə vayfay quraşdırılması qanunla qadağan olunub. Bəzi Qərb ölkələrində məktəb və bağçalarda bu qurğunun quraşdırılmasına icazə olsa da, artıq əksər ölkələr vayfay qurğusundan uşaqların üstünlük təşkil etdiyi məkanlarda birdəfəlik imtina ediblər.

Bakı Şəhəri Təhsil İdarəsindən verilən məlumata görə isə Bakı şəhərindən fəaliyyət göstərən məktəblərdə vayfay qurğularının qadağan edilməsi ilə bağlı hər hansı bir qərar yoxdur:

“Müvafiq hallarda yaranmış zərurətlə əlaqədar Bakı şəhəri üzrə Təhsil İdarəsinin tabeliyində fəaliyyət göstərən bəzi təhsil müəssisələrində Təhsil Nazirliyi Təhsil Sisteminin İnformasiyalaşdırılması İdarəsinin sifarişi əsasında “Azedunet” şirkəti tərəfindən vayfay qurğuları quraşdırılıb”.