Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Bu avtobuslar - Bakıda sərnişin sıxlığını aradan qaldıracaq

 

Bakı şəhərində sərnişindaşıma sahəsində təxminən 2200 avtobus xidmət göstərir. Avtobus parkının yenilənməsi və bu sayın artırılması üçün 300 yeni avtobus gətirilib və mərhələli şəkildə xəttə buraxılacaq.

Həmin avtobusların 20 ədədi 18 metr, qalanı isə 12 metrlikdir.

Yenixeber.org: Nəqliyyat üzrə ekspert Azər Allahverənov uzunluğu 18 metr olan avtobusların hər hansı zaman kəsiyində və bir marşrut daxilində daha çox sərnişin daşımaq iqtidarında olduğunu bildirib:

"Hər hansı marşrut üzrə iritutumlu avtobusların istifadəsi sərnişinlərin ehtiyacını ödəmiş olursa, bu zaman həmin marşrutlarda fəaliyyət göstərən avtobusların sayında müəyyən azalmalar edilə bilər. Belə ki, sərnişin sıxlığı çox olan xətlərdə bir neçə avtobus buraxmaqdansa, iritutumlu bir avtobusu xəttə buraxıb sərnişinlərin eyni vaxtda və rahatlıqla mənzil başına çatmasını təmin etmək mümkündür.Təbii ki, burada əsas məqsəd sərnişindaşıma imkanını artırmaqdır. Uzunluğu 18 metr olan avtobusların sərnişin tutumu böyük olduğundan daha çox sərnişinlərin daşınmasına səbəb olacaq. Buna görə də bu avtobuslar xəttə buraxılarkən həmin ərazidəki sərnişin sıxlığı da nəzərə alınacaq".

Təbii olaraq, sözügedən avtobusların rahat şəkildə hərəkəti üçün imkanlar olmalıdır və onların çoxzolaqlı, geniş küçə və prospektlərdə istismarı nəzərdə tutulub. Eyni zamanda həmin ərazilərdə yaşayan əhalinin sayı, sərnişinlərin intensivliyi, ictimai nəqliyyatdan istifadə edən insanların sayı da nəzərdən keçirilir. Təhlükəsizlik məsələləri və sərnişindaşımanın komfortlu olması da əsas şərtdir.

Lakin bu, o demək deyil ki, sayı azaldılan avtobuslar tamamilə kənarlaşdırılır. Həmin avtobusların daha çox cəlb ediləcəyi marşrutlar nəzərdən keçirilir. Şübhəsiz ki, Bakı Nəqliyyat Agentliyi (BNA) bununla bağlı daşıyıcı şirkətlər ilə danışıqlar aparır.


Facebook-da paylaş

Yeni xəbərlər

Reklam

Reklam