“Ölkə əhalisinin sosial vəziyyətini ağırlaşdıran çoxsaylı amillərdən biri də qanunlardır”.

Yenixeber.org: Bunu Neftçilərin Hüquqlarının Müdafiə Komitəsinin sədri Mirvari Qəhrəmanlı deyib. O, bildirib ki, Əmək Məsəlləsinə 1999-cu ildən bəri 309 dəyişiklik olunub. “Bunlardan 234-ü Parlamentin Sosial Siyasət Komissiyasının - sədr ömürlük deputat Hadı Rəcəbli - təklifi ilə dəyişdirilib. 

Parlamentdəki deputatların 70%-dən çoxunun işəgötürən olması ucbatından dəyişikliklərin bir çoxu xüsusi ilə də Əmək Müqaviləsi bağlanması qaydalarına edilən dəyişikliklər işçinin ziyanına olub . Bu da ölkədə işsizliyin artmasına səbəb olur”.

M. Qəhrəmanlı deyir ki, “İşsizlikdən sığorta haqqında ” yeni qanun işsizlik sığortasını almaq hüququ olan vətəndaşların əhatəsini kəskin şəkildə məhdudlaşdırır: “Qanuna əsasən işsizlik sığortasına yalnız o şəxslər müraciət edə bilər ki, ya iş yeri ixtisara düşmüş olsun, ya da işlədiyi müəssisə fəaliyyətini dayandırmış olsun. Halbuki işsizlikdən sığorta haqqı istisnasız olaraq bütün işləyənlərin əmək haqqından ödənilir. 0.5% işçi tərəfindən,0,5% işəgötürən tərəfindən”.