AZ
RU
Vahid Əhmədov 600 nəfərə iftar süfrəsi açdı —FOTOLAR
Quba şəhərində fəaliyyət göstərən məscidlərdə millət vəkili Vahid Əhmədovun təşəbbüsü və dəstəyi ilə oruc tutan insanlar üçün iftar süfrələri təşkil edilib
Yenixeber.org: Cümə, Ərdəbil, Səkinəxanım və Ağ məscidlərdə verilən iftar mərasimlərində 600 nəfərə yaxın insan iştirak edib. Bu xeyriyyə tədbiri rayon ictimaiyyəti tərəfindən razılıqla qarşılanıb
İftar mərasimlərində dindarlarla yanaşı imkansız şəxslər, qocalar, veteranlar, şəhid ailələrinin üzvləri, kimsəsizlər iştirak ediblər.
Məclisdə millət vəkilinin adından hər kəs təbrik edilərək bildirilib ki, bu müqəddəs ayda hamının diləkləri qəbul edilsin, ölkəmiz, dövlətimiz, xalqımız üçün xeyirli və bərəkətli olsun.
Qeyd olunub ki, Ramazan ayı həmrəylik, dostluq, qardaşlıq, sevgi, mərhəmət və ruzi ayıdir. Bu ayda müsəlmanlar həmrəyliyi möhkəmlədir, mənəvi dünyalarını daha da zənginləşdirir, Azərbaycan xalqı, o cümlədən qubalılar da bütün dövrlərdə Ramazan ayının mənəvi üstünlüklərini yaşadaraq, həmişə yüksək dəyərlərə sədaqət göstərirlər. Məclislərdə şəhidlərimizin ruhuna dualar oxunub, qarşıdan gələn müqəddəs Ramazan bayramı münasibətilə təbriklər səsləndirilib.
Oruc tutmağın insanlar üçün faydasından danışılaraq qeyd edilib ki, müqəddəs Ramazan ayında yoxsulları, kimsəsizləri sevindirmək, onlar üçün iftar süfrəsi təşkil etmək savab işdir. Belə xeyriyyə tədbirlərinin keçirilməsı gələcəkdədə davam etdiriləcək.
