Beynəlxalq ərzaq siyasəti araşdırmaları institutu İFPRİ 2015-ci il üçün dünya ölkələrində “aclıq indeksini” (Global Hunger Index)açıqlayıb.

Xeberinfo.com:   Məlumata görə, hesabata əsasən Azərbaycanda doyunca qidalanmayanların sayı son illər dəfələrlə azalıb və hazırda əhalinin 1.7 faizini təşkil edir. Lakin bu rəqəm Belarus və Rusiya kimi keçmiş sovet resublikalarından çoxdur. Belarusda əhalinin cəmi 0.7, Rusiyada isə 0.8 faizi aclıq çəkir. Ukraynada isə aclıq çəkənlər əhalinin 1.2 fazini təşkil edir.

Baltik ölkələrindən Latviya və Litvada bu rəqəm 1.4, Estoniyada isə 2 faizdir. Qazaxıstanda aclıq çəkənlər əhalinin 2.5 faizini, Türkmənistanda 3.2 faizini, Ermənistanda 5.8 faizini, Qırğızıstanda 6 faizini, Gürcüstanda 7.4 faizini, Moldovada 12.2 faizini, Özbəkistana 13.3 faizini, Tacikistanda isə 33 faizini təşkil edir. Tacikistan dünyada əhalisi aclıq çəkən ölkələr arasında ön sıralarda gedir.

Bu İndeksdə ən pis göstəricilər Afrika ölkələrindədir: Çad (46,4%), Mərkəzi Afrika Respublikası (46,9%), Zambiya (41,1%).