AZ
RU
ABŞ-Çin xəttində yeni gərginlik:Peyvənd oğurluğu Çinin nəyinə lazımdır?
Yenixeber.org: Çinli hakerlərin ABŞ-da koronavirusu ilə əlaqədar aparılan peyvənd tədqiqatları haqqında məlumatları oğurlamağa çalışdıqları iddia olunur.
İddianı ABŞ-ın Federal Təhqiqatlar Bürosu və Daxili Təhlükəsizlik Departamenti irəli sürüb. ABŞ-ın yaxın saatlarda bununla əlaqədar olaraq Çinə nota göndərəcəyi gözlənilir.
Qeyd edək ki, koronavirusla bağlı dünyanın 5 ölkəsində 80-ə yaxın peyvənd nümunəsi üzərində tədqiqatlar aparılır. Çinin bu peyvənd araşdırmalarına dair məlumatı niyə oğurlamağa çalışdığı maraq doğurur.
Xatırladaq ki, ABŞ prezidenti Donald Tramp bundan əvvəl dəfələrlə rəsmi Pekini koronavirusu istehsal etməkdə günahlandırır, hətta bu pandemiyanı “Çin virusu” adlandırırdı. Trampın iddiasına görə, koronavirusun yeni yayıldığı ərəfədə Çin dünyanı aldadaraq, onun insandan insana keçmədiyini bildirmiş və bu yalanı sayəsində infeksiyanın daha çox yayılmasına qəsdən şərait yaratmışdı.
Pekinin koronavirus reputasiyasında “qara ləkə” bununla da bitmir. Çin dövlət başçısı Xİ Jinpinqin həmin ərəfədə Ümumdünya Səhiyyə Təşkilatının sədrinə zəng vurub virusun insandan insana keçmədiyini bildirməsi üçün təzyiq etdiyi və ona hədə qorxu gəldiyi də iddialar arasındadır. Bir həngamənin dalğası keçməmiş novbəti birinin ortaya çıxması Vaşinqton-Pekin xəttində yeni gərginliyin yaşanacağından xəbər verir.
Hadisələrin araşdırılmasına Daxili Təhlükəsizlik Departamentinin qoşulması ABŞ-ın koronavirus pandemiyasına bioloji terror kimi baxdığını göstərir. Belə ki, bu idarə 2001-ci ilin 9 sentyabrında məşhur qoşa qüllələrdə baş vermis terror hadisəsindən sonra yaradılıb və təyinatı ABŞ-dakı konstitusiya quruluşunun qorunması, fəlakətlərə hazırlıq, sərhədlərin qorunması və mülki müdafiə kimi vəzifələri olan digər federal qurumların bir-biriylə əlaqəli işləməsini təmin etməkdən ibarətdir. 2002-ci ildə ABŞ Konqresi tərəfindən qəbul olunaraq qüvvəyə minən "İctimai Təhlükəsizlik Qanunu"na görə, terror hadisələri, texnogen və təbii fəlakətlər də qurumun məsuliyyəti altındadır.
.jpg)
