AZ
RU
.jpg)
Millət Vəkili ordumuzun 2 şəhid verməsi ilə bağlı -Ermənistan cavabsız qalmayacaq
Son günlərdə qoşunların təmas xəttində vəziyyət yenidən gərginləşib. Ermənistan hərbi birləşmələrinin cəbhə xəttində atəşkəs rejimini kobud formada pozaraq təxribat törətməsi nəticəsində son iki həftə ərzində Azərbaycan Silahlı Qüvvələri iki şəhid verib. Ən son belə təxribat isə Tərtər istiqamətində olub.
Yenixeber.org: Tərtər rayonu istiqamətində düşmən tərəfindən açılan atəş nəticəsində Azərbaycan Ordusunun hərbi qulluqçusu Elşən Xəlilov şəhid olub.
Cəbhə xəttində yaranmış gərginlik və onun səbəblərini bağlı Milli Məcliisn deputatı Elman Nəsirovla dəyərləndirməyə çalışdıq.
Millət vəkili bildirib ki, qoşunların təmas xəttində vəziyyət yenidən gərginləşib.
"Erməni tərəfi yenidən təxribata əl ataraq qoşunların təmas xəttində vəziyyəti gərginləşdirir. Təmas xəttində vəziyyətin gərginləşməsi nəticəsində son günlərdə Azərbaycan iki şəhid verməli olub.
Düzdür, erməni tərəfi mayın 30-da törətdiyi təxribata görə öz layiqli cavabını aldı. Yəqin ki, bu təxribat da cavabsız qalmayacaq”, - deyə deputat bildirib.
Cəbhə xəttində gərginliyin yaranma səbəblərinə gəldikdə E.Nəsirov bildirib ki, ilk növbədə bu Ermənistandakı daxili vəziyyətlə bağlıdır:
"Təmas xəttindən gərginliyin yaranması Ermənistanın daxilində böhranın indikatorudur. Əgər ermənilər təmas xəttində vəziyyəti gərginləşdirib təxribata əl atırlarsa, deməli, ölkədaxili vəziyyət son dərəcədə gərginləşib.
Təmas xəttində son gərginləşmənin səbəbi isə Ermənistanda hakimiyyət uğrunda açıq şəkildə mübarizənin başlamasıdır. Artıq Paşinyanla bağlı eyforiya dövrü başa çatıb. Robert Köçəryan, Serj Sərkisyan, Arkadi Qukasyan, Bako Saakyan və digərlərinin də yer aldığı Dağlıq Qarabağ klanından ibarət Paşinyan əleyhinə açıq müxalif bir blok formalaşıb. Onlar artıq Paşinyana qarşı açıq müharibə elan ediblər”.
O, əlavə edib ki, Paşinyana qarşı mübarizə aparan Qarabağ klanına Ermənistandakı bəzi oliqraxlar da qoşulub: "Bu mübarizə Paşinyan hakimiyyətdən devrilənədək davam edəcək”.
Deputat bildirib ki, Paşinyana qarşı mübarizə aparan qüvvə onu xəyanətdə ittiham edir:
"Onlar Paşinyanı işğal altında olan torpaqları Azərbaycana qaytarmaqda və bunun üçün də erməni ictimai rəyini buna hazırlamaqda ittiham edirlər. Onsuz da sürətlə nüfuzunu itirən Paşinyanın reytinqinin enməsinə bu əlavə təsir göstərir. Bu səbəbdən də Paşinyan özünü Qarabağ məsələsində güzəştə getməyən bir siyasəti obrazı formalaşdırmağa çalışır. Bunu sübut etmək üçün də cəbhə xəttində vəziyyəti gərginləşdirməyə çalışır. Bu sınaqdan çıxan bir üsuldur və Ermənsitan tərəfi illərlə bu taktikadan istifadə edib”.
Deputatın fikrincə, cəbhə xəttində gərginliyin artmasının ikinci əsas səbəbi isə münaqişənin tənzimləməsi ilə məşğul oaln beynəlxalq təşkilatların və ölkələrin işğalçıya sərt reaksiya verməməsi ilə bağlıdır:
"ATƏT MQ həmsədrləri mayın 30-da Azərbaycan ordusunun yüksəkrütbəli zabitini qətlə yetirən zaman dişsiz bir bəyanat verdi. Ermənistana qarşı sərt mövqe ortaya qoyulmadı. Bu da Ermənistan rəhbərliyində bir illüziya formalaşıdırır ki, cinayət törətmək olar və buna görə cəzasız qalmaq olar. Bu nöqteyi nəzərdən beynəlxalq təşkilatların, eyni zamanda ATƏT MQ həmsədrlərinin üzərinə böyük məsuliyyət düşür. Hesab edirəm ki, hadisələrin bu cür inkişafı Ermənistanın maraqlarına zidd olacaq.
Çünki Azərbaycan dövlət başçısı, Ali Baş Komandan İlham Əliyev dəfələrlə bəyan edib ki, sülhpərvər dövlət olduğumuz üçün münaqişəni dinc yolla həll etmək istəyirik. Ancaq hadisələr belə davam edərsə, müharibə qaçılmaz ola bilər və labüdləşə bilər. Biz müharibənin başlanması üçün çox münbit şəratin yarandığının şahidi ola bilərik. Buna görə də bütün məsuliyyət Ermənistanın üzərinə düşəcək. Məsuliyyət eyni zaman ATƏT MQ həmsdərlərinin və beynəlxalq təşkilatların üzərinə düşəcək. Bax reallıqdan ibarətdir. Heç kəsdə şübhə ola bilməz ki, Ermənistan törətdiyi bu cinayətə görə cəzasız qalmayacaq”.
Yenixeber.org: Tərtər rayonu istiqamətində düşmən tərəfindən açılan atəş nəticəsində Azərbaycan Ordusunun hərbi qulluqçusu Elşən Xəlilov şəhid olub.
Cəbhə xəttində yaranmış gərginlik və onun səbəblərini bağlı Milli Məcliisn deputatı Elman Nəsirovla dəyərləndirməyə çalışdıq.
Millət vəkili bildirib ki, qoşunların təmas xəttində vəziyyət yenidən gərginləşib.
"Erməni tərəfi yenidən təxribata əl ataraq qoşunların təmas xəttində vəziyyəti gərginləşdirir. Təmas xəttində vəziyyətin gərginləşməsi nəticəsində son günlərdə Azərbaycan iki şəhid verməli olub.
Düzdür, erməni tərəfi mayın 30-da törətdiyi təxribata görə öz layiqli cavabını aldı. Yəqin ki, bu təxribat da cavabsız qalmayacaq”, - deyə deputat bildirib.
Cəbhə xəttində gərginliyin yaranma səbəblərinə gəldikdə E.Nəsirov bildirib ki, ilk növbədə bu Ermənistandakı daxili vəziyyətlə bağlıdır:
"Təmas xəttindən gərginliyin yaranması Ermənistanın daxilində böhranın indikatorudur. Əgər ermənilər təmas xəttində vəziyyəti gərginləşdirib təxribata əl atırlarsa, deməli, ölkədaxili vəziyyət son dərəcədə gərginləşib.
Təmas xəttində son gərginləşmənin səbəbi isə Ermənistanda hakimiyyət uğrunda açıq şəkildə mübarizənin başlamasıdır. Artıq Paşinyanla bağlı eyforiya dövrü başa çatıb. Robert Köçəryan, Serj Sərkisyan, Arkadi Qukasyan, Bako Saakyan və digərlərinin də yer aldığı Dağlıq Qarabağ klanından ibarət Paşinyan əleyhinə açıq müxalif bir blok formalaşıb. Onlar artıq Paşinyana qarşı açıq müharibə elan ediblər”.
O, əlavə edib ki, Paşinyana qarşı mübarizə aparan Qarabağ klanına Ermənistandakı bəzi oliqraxlar da qoşulub: "Bu mübarizə Paşinyan hakimiyyətdən devrilənədək davam edəcək”.
Deputat bildirib ki, Paşinyana qarşı mübarizə aparan qüvvə onu xəyanətdə ittiham edir:
"Onlar Paşinyanı işğal altında olan torpaqları Azərbaycana qaytarmaqda və bunun üçün də erməni ictimai rəyini buna hazırlamaqda ittiham edirlər. Onsuz da sürətlə nüfuzunu itirən Paşinyanın reytinqinin enməsinə bu əlavə təsir göstərir. Bu səbəbdən də Paşinyan özünü Qarabağ məsələsində güzəştə getməyən bir siyasəti obrazı formalaşdırmağa çalışır. Bunu sübut etmək üçün də cəbhə xəttində vəziyyəti gərginləşdirməyə çalışır. Bu sınaqdan çıxan bir üsuldur və Ermənsitan tərəfi illərlə bu taktikadan istifadə edib”.
Deputatın fikrincə, cəbhə xəttində gərginliyin artmasının ikinci əsas səbəbi isə münaqişənin tənzimləməsi ilə məşğul oaln beynəlxalq təşkilatların və ölkələrin işğalçıya sərt reaksiya verməməsi ilə bağlıdır:
"ATƏT MQ həmsədrləri mayın 30-da Azərbaycan ordusunun yüksəkrütbəli zabitini qətlə yetirən zaman dişsiz bir bəyanat verdi. Ermənistana qarşı sərt mövqe ortaya qoyulmadı. Bu da Ermənistan rəhbərliyində bir illüziya formalaşıdırır ki, cinayət törətmək olar və buna görə cəzasız qalmaq olar. Bu nöqteyi nəzərdən beynəlxalq təşkilatların, eyni zamanda ATƏT MQ həmsədrlərinin üzərinə böyük məsuliyyət düşür. Hesab edirəm ki, hadisələrin bu cür inkişafı Ermənistanın maraqlarına zidd olacaq.
Çünki Azərbaycan dövlət başçısı, Ali Baş Komandan İlham Əliyev dəfələrlə bəyan edib ki, sülhpərvər dövlət olduğumuz üçün münaqişəni dinc yolla həll etmək istəyirik. Ancaq hadisələr belə davam edərsə, müharibə qaçılmaz ola bilər və labüdləşə bilər. Biz müharibənin başlanması üçün çox münbit şəratin yarandığının şahidi ola bilərik. Buna görə də bütün məsuliyyət Ermənistanın üzərinə düşəcək. Məsuliyyət eyni zaman ATƏT MQ həmsdərlərinin və beynəlxalq təşkilatların üzərinə düşəcək. Bax reallıqdan ibarətdir. Heç kəsdə şübhə ola bilməz ki, Ermənistan törətdiyi bu cinayətə görə cəzasız qalmayacaq”.
.jpg)
