Klimkin həmçinin, Ukraynanın şərqindəki münaqişə zonasında sülhə nail olunmasının 3 şərtini açılayıb: “Bütün KİV-lər Sinqapurdan (ABŞ-Şimali Koreya sammitinin keçirilməsindən) danışır, amma bizə öz problemimizlə məşğul olmaq lazımdır: ATƏT və sülhməramlıların nəzarəti altında real təhlükəsizliyə nail olunması, insanlarımızın azad olunması və Ukrayna ilə beynəlxalq birlik tərəfindən birgə təşkil edilən əsl seçkilərin keçirilməsi...”

XİN rəhbəri daha sonra əlavə edib: “Bu gün işğal edilmiş Donbassda Ukrayna torpaqları və ukraynalı vətəndaşlar var, amma Ukraynanın özü yoxdur. Biz ora qayıtmalıyıq”

Xatırladaq ki, 7 apreldə Klimkin BMT sülhməramlılarının yerləşdirilməsi məsələsində Rusiyaya təzyiq edəcəklərini bəyan etmişdi.

ATƏT nümayəndələrinin təhlükəsizliyi üçün Donbassdakı təmas xəttində BMTsülhməramlılarının yerləşdirilməsini 2017-ci ilin sentyabrında Rusiya prezidenti Vladimir Putin təklif edib. Rəsmi Kiyevdə isə təkid edirlər ki, sülhməramlılar Donbassın bütün ərazisi üzrə, o cümlədən Ukraynanın Rusiya ilə sərhəddində yerləşdirilməlidir.