AZ
RU
Sankt-Peterburq Qanunvericilik Məclisinin rəhbəri:"Azərbaycan Rusiyanın Cənubi Qafqazdakı əsas tərəfdaşlarından biridir"
Azərbaycandakı rus icmasının 25 illiyinə həsr olunmuş tədbirlərdə iştirak etmək üçün Bakıda səfərdə olan Sankt-Peterburq Qanunvericilik Məclisinin sədri Vyaçeslav Makarovun başçılıq etdiyi nümayəndə heyəti Rusiyanın Azərbaycandakı müvəqqəti işlər vəkili Oleq Muraşyov ilə görüşüb
Yenixeber.org: Görüşdə Rusiya və Azərbaycan arasında münasibətlərin əsas məsələləri müzakirə olunub.
"Azərbaycan Rusiyanın Cənubi Qafqazdakı əsas tərəfdaşlarından biridir. Bu region Rusiyanın xarici siyasəti üçün böyük əhəmiyyət kəsb edir. Burada ölkəmizin maraqlarını müdafiə etməyi, ən çətin məsələlərdə belə uğurlu, kompromis həll yolları tapmağı yalnız yaxşı diplomatlar bacarırlar. Diplomatik münasibətlərimizin başladığı və əsrin dörddə bir hissəsini əhatə edən dövrdə səfirlərimiz dəfələrlə yüksək səviyyəli peşəkarlıq, müdriklik və səbr nümayiş etdiriblər. Əminəm ki, onların səyləri sayəsində iki ölkə arasında əlaqələr daha sıx olacaq, daha da inkişaf edəcək", - V.Makarov görüşün yekunları barədə bildirib.
O əlavə edib ki, Sankt-Peterburq və Azərbaycanın iqtisadi, elmi, sənaye və mədəni sahələrdə əməkdaşlıq üçün böyük potensialı var.
.jpg)
