AZ
RU
“Ermənistan elan olunmamış müharibəyə başladı“
Rusiya mətbuatı ermənilərin Naxçıvana hücumu barədə yazıb
"Xeberinfo.com": Artıq bir neçə gündür ki, erməni silahlı qüvvələrinin cəbhə xətdində aktivliyi müşahidə olunur. Xəbər verdiyimiz kimi, erməni silahlı qüvvələri Naxçıvana hücumları davam edir. Həmin xəbərlər Azərbaycan mətbuatına istinadən verilib. Bildirilir ki, Culfa rayonunun Ləkətağ kəndinin sakini Aynur Sərkərovun verdiyi məlumata görə, ermənilər Naxçıvana giriblər və Azərbaycan tərəfdən itkilər var.
Məlumata görə, başda "Moskovskiy Komsomolets" saytı olmaqla bir sıra Rusiya KİV-ləri “Ermənistan Azərbaycanla müharibəyə başladı”, “Ermənistan döyüşlər zamanı Azərbaycana soxuldu, qanlı döyüşlər gedir”, “Ermənistan elan olunmamış müharibəyə başladı” başlıqlı məqalələr dərc edib.
Hətta həmin yazılarda qeyd olunur ki, guya Azərbaycan Müdafiə Nazirliyi Naxçıvanda yaranmış vəziyyətlə bağlı heç bir məlumat vermir. Ümumiyyətlə telefon zənglərinə cavab vermir. Təbii ki, bu dezinformasiyadır.
Çünki elə həmin gün ANS PRESS Müdafiə Nazirliyi ilə əlaqə saxlamışdı. Nazirlik Naxçıvanla bağlı yayılan xəbərlərə aydınlıq gətirmişdi. Nazirliyin açıqlamasında bildirilirdi ki, yayılan məlumatlar şayiədir. Bu tipli xəbərlərin heç bir əsası yoxdur. Belə məlumatların yayılması ölkədə sabitliyin pozulmasına hesablanıb.
.jpg)
