AZ
RU
Nazirlərin aldığı rüşvət məlum oldu
"xeberinfo.com":Dəyərli oxucularımıza da məlumdu ki, Türkiyədə ötən il dekabrın 17-də keçirilən "rüşvət əməliyyatı" barədə biz silsilə yazılar dərc etmişik. Həmin yazılarda baş verən hadisələr barədə geniş məlumat vermişik.
Daha bir məlumat əldə etmişik. Məlumata görə "rüşvət əməliyyatı"nda adı çəkilən 4 keçmiş nazir haqqında prokurorluq tərəfdindən hazırlanan təhqiqat hesabatı Ədliyyə Nazirliyinə təqdim olunub.
Sənəddə keçmiş nazirlər Zəfər Çağlayan, Müəmmər Gülər, Egemen Bağış ve Erdoğan Bayraktar ilə bağlı ciddi ittihamlar var.
Məlumata görə, toplam 27 qovluq və 504 səhifədən ibarət sənəd istintaqı aparan prokurorluq tərəfindən yanvarın 2-də nazirliyə göndərilib. Xəbərdə qeyd olunur ki, Erdoğan Bayraktarla bağlı sənəd digər üç nazirin işindən ayrılıb.
Sənəddə keçmiş nazirlərlə bağlı bu ittihamlar var:
Zəfər Çağlayan ümumilikdə 28 dəfə olmaqla cəmi 52 milyon dollar rüşvət almaq, cinayətkar dəstə yaratmaq və qaçaqmalçılıqda, Müəmmər Gülər 10 milyon dollarlıq rüşvət almaq, cinayətkar dəstə yaratmaq, vəzifəsindən suiistifadə, Egemen Bağış 1.5 milyon dollar rüşvət almaqda təqsirləndirilir.
Hazırda Ədliyyə Nazirliyi sənədləri araşdırır.
Nazirlikdən sənədlərin geri - prokurorluğa qaytarılması və ya Türkiyə Böyük Millət Məclisinə göndərilməsi gözlənilir.
.jpg)
