AZ
RU
.jpg)
Ermənilər -Paşinyanın istefasını tələb edir
Ermənistan əhalisinin təxminən yarısı hesab edir ki, Baş nazir Nikol Paşinyan istefa verməlidir.
Yenixeber.org: Bu barədə sosial sorğular üzrə ixtisaslaşmış “Gallup” təşkilatının Ermənistan üzrə təmsilçisi Aram Navasardyan keçirdiyi mətbuat konfransında bildirib.
Ermənistanın bütün vilayət və şəhərlərini əhatə edən sorğu noyabrın 25-dən dekabrın 2-nə qədər telefon vasitəsilə keçirilib.
"Paşinyan hazırda nə etməlidir?” sualına rəyi soruşulanların 38 faizi cavab verib ki, Baş nazir fəaliyyətini davam etdirməlidir, 45 faiz isə hesab edir ki, o istefa verməlidir”, - deyə Navasardyan qeyd edib.
2020-ci ilin iyulunda “Gallup”un keçirdiyi sorğuya Paşinyanı əhalinin 85 faizi dəstəkləyirdi. Göründüyü kimi artıq dekabrda bu rəqəm 38 faizə düşüb.
Navasardyan deyib ki, oktyabrın 26-da Baş nazirin canlı yayımda Ermənistanın güzəştə getməli olduğunu bildirməsi və noyabrın 9-da təslimçi sazişə imza atması onun reytinqinin sürətlə düşməsinə səbəb olub.
