AZ
RU
.jpg)
Arif Babayevin 80 illik yubileyi qeyd olundu- FOTOLAR
Xalq artisti Arif Babayevin 80 illik yubileyi qeyd edilib
Yenixeber.org: Konsert proqramı Heydər Əliyev Sarayında baş tutub. Tədbir xanəndənin həyat və yaradıcılığını əks etdirən videoçarxın nümayişi ilə başlayıb.
Yubiley gecəsində mədəniyyət və turizm naziri Əbülfəs Qarayev çıxış edərək A.Babayevin yaradıcılığından danışıb.
Daha sonra nazir, prezident İlham Əliyev və birinci xanım Mehriban Əliyevanın təbriklərini yubilyara çatdıraraq ona "Şərəf" ordenini təqdim edib.
Üzeyir Hacıbəyli adına Bakı Musiqi Akademiyasının rektoru Fərhad Bədəlbəyli çıxış edərək A.Babayevin muğam sənətinin inkişafındakı rolundan söz açıb.
Yubiley gecəsində xanəndələrin ifasında xalq mahnıları, təsniflər və muğamlar səsləndirilib. Tədbirin sonunda A.Babayev yetirmələri ilə birgə "Qarabağ şikəstəsi"ni oxuyub.
