AZ
RU
Məleykə Əsədova:Sevgimi anama qurban verdim
“Səhnədə xoşbəxt aktrisayam. Amma həyatda xoşbəxt qadın deyiləm. Xoşbəxtlik müxtəlif anlarda olur. Bu anlar şəxsi həyatımda mənə çox az qismət olub”
Yenixeber.org: Bu sözələri xalq artisti Məleykə Əsədova “Sənətsevər” verilişində deyib.
“Həmişə zəhmətkeş olmuşam. Uşaqlıqdan nə qədər incə görünsəm də, çiyinlərimdə ağır yük olub. Kənardan hər şey gözəl görünür. Problemimi heç kimlə bölüşmürəm. Mənim şəxsi problemimi, içimdə ağlamağımı ancaq özüm görürəm. Bunun tamaşaçıya aidiyyatı yoxdur.
Həyatda qadın kimi xoşbəxt olmadım. Allah qızımı o qədər xoşbəxt etsin ki, heç olmasa bir ana kimi xoşbəxt olum. Ona baxım sevinim”, - deyə M.Əsədova bildirib.
Aktrisa əsl sevgisi barəsində isə bunları deyib:
“Əsl sevgi yaşamışam. Universitet illərimdə olmayıb. Sonra sevdim. Amma illərdir o sevgi xatirələrdədir. O sevgini sənətimə və anama qurban verdim. Mənim anam istəyinə çatdı”.
