AZ
RU
Çin də YUNESKO-dan ayrılacaq?
Çin Xalq Respublikası BMT-nin Təhsil, Elm və Mədəniyyət üzrə Təşkilatının (YUNESKO) fəaliyyətinə dəstəyi və onun işində fəal iştirakı davam etdirəcək.
Yenixeber.org: Bu bəyanatla Çin Xarici İşlər Nazirliyinin sözçüsü xanım Xua Çunin ABŞ və İsrailin YUNESKO-dan çıxmasına Çinin münasibəti barədə sualı cavablandırarkən deyib.
Çin XİN rəsmisi əlavə edib ki, YUNESKO-nun əsas prinsipi təhsil, elm və mədəniyyət sahəsində beynəlxalq əməkdaşlığı genişləndirmək, müxtəlif mədəniyyətlər arasında qarşılıqlı anlaşmanı və inteqrasiyanı inkişaf etdirməkdir.
O deyib: “Biz ümid edirik ki, bütün ölkələr bu amala töhfə verəcək. Çin digər ölkələr ilə bu istiqamətdə əməkdaşlıq etmək arzusundadır”.
