AZ
RU
.jpg)
.png)
Şərqin ilk opera yazan qadın bəstəkarının doğum günüdür.
"xeberinfo.com": Bu gün tanınmış bəstəkar, xalq artisti Şəfiqə Axundovanın doğum günüdür. Bildiyiniz kimi, Şəfiqə xanım ötən il, iyulun 26-da uzun sürən xəstəlikdən sonra dünyasını dəyişib.
Xatırladaq ki, mərhum bəstəkar xroniki qan dövranı çatışmazlığı, hipertoniya və şəkərli diabet xəstəliklərindən əziyyət çəkirdi.
Qeyd edək ki, xalq artisti Şəfiqə Axundova 1924-cü il yanvarın 21-də Şəkidə anadan olub. 1943-1944-cü illərdə A. Zeynallı adına Bakı Musiqi Məktəbində oxuyarkən Üzeyir Hacıbəyovdan dərs alıb. 1956-cı ildə Ü. Hacıbəyov adına Azərbaycan Dövlət Konservatoriyasını bəstəkarlıq ixtisası üzrə B. Zeydmanın sinfini bitirib. 1998-ci ildə xalq artisti adına layiq görülüb. 2004-cü ildə isə "Şöhrət" ordeni ilə təltif edilib. O, 1972-ci ildə "Gəlin qayası" operasını yazmaqla Şərqin ilk opera yazan qadın bəstəkarı kimi tarixə düşüb.
.jpg)
