AZ
RU
.jpg)
DİN Göyçayda karxanaları yoxladı, deputat yalançı çıxdı –Müraciət
“Deputat Elxan Süleymanovun ətrafındakılar ölkə prezidentinə yalan məlumat veriblər. Onlar fəaliyyəti 40 il qabaq dayanmış, alman əsirləri tərəfindən 1945-ci ildə tikilmiş, sel nəticəsində uçan piyada körpüsünü göstərib deyiblər ki, tez zamanda pul ayrılmasa Göyçay nəzarətdən çıxacaq.Təbii ki, cənab prezident Göyçayın relyefinədə bələd deyil və xalqın rifahı üçün 3.5 milyon vəsait ayırdı. Halbuki, həmin uçan körpünü bəlkə də 300 min manata təmir elədilər”.
Yenixeber.org: Bu sözləri bir qrup göyçaylı iş adamı redaksiyamıza göndərdikləri məktubda yazıblar. Onların sözlərinə görə, deputat daha da irəli gedərək Göyçay Rayon Polis Şöbəsinə (RPŞ) şikayət edib.
Bildirib ki, guya fəaliyyətləri dayanmış çınqıl karxanaları yenidən fəaliyyətə başlayıblar.
Göyçay polisi həmin karxanalara baxış keçirib və E.Süleymanovun yalanı faş olub. E.Süleymanov bu dəfə Daxili İşlər Nazirliyinə rəsmi şikayət yazıb. Müraciətində karxana sahibləri ilə Göyçay polisinin əlbir olduğunu vurğulayıb.
Sahibkarlar qeyd edirlər ki, nazirlikdən gələn yoxlama da karxanalara baxış keçirib və obyektlərin işləmədiyinin şahidi olub:
“Hətta deputatın dediyi yalan düz olsa belə, yəni Göyçay polisi karxanaların fəaliyyətinə “göz yumsa”, leysan yağışlar burda işləməyə imkan vermir.
Biz göyçaylılar prezidentdən xahiş edirik ki, xüsusi komissiya yaradılsın və bu işlər aydınlaşdırılsın;
- E.Süleymanova məxsuz Qəbələdə yerləşən 2 karxananın fəaliyyəti araşdırılsın.
- Onun tərəfindən zəbt edilən Göyçay çayının tən ortasında yerləşən torpağı ona kim satıb? Halbuki, Nazirlər Kabinetinin məlum fərmanına görə, çay və dəniz sularının içində körpüdən və dövlət əhəmiyyətli obyektlərdən başqa heç bir şey tikilə bilməz.
- Həmin qanunsuz zəbt edilmiş 10 hektardan çox torpaqda tikilən 10-na yaxın villaları hansı vəsaitlə tikib.
- Niyə Bakı İstintaq Tədricxanasında saxlanan 10-na yaxın sahibkarın işini araşdıran müstəntiqlər E.Süleymanovun qanunsuz zəbt etdiyi və tikdirdiyi villaların fəaliyyətini araşdırmır. Bu villaların nəticəsində Göyçay çayı öz axarını dəyişib.
Mövzu ilə bağlı deputat Elxan Süleymanovla əlaqə yaratmaq cəhdlərimiz heç cürə alınmadı. Qarşı tərəfi də dinləyib mövqeyini verməyə hazırıq…
