AZ
RU
Mərkəzi Bank hərrac keçirdi
Dekabrın 20-də Bakı Fond Birjasında (BFB) Azərbaycan Respublikasının Mərkəzi Bankının (AMB) 50100366S dövlət qeydiyyat nömrəli, 200 milyon manat həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilib
Yenixeber.org: BFB-dən bildiriblər ki, hərrac zamanı 10 investor tərəfindən qiyməti 98.8472 AZN (14.99 faiz) və 99.2278 AZN (10.01 faiz) olan 13 sifariş təqdim edilib. Sifarişlərin nominal qiymətlə ümumi məbləği 206 833 300,00 AZN olub.
AMB-nin qərarına əsasən istiqrazların kəsmə qiyməti 98.8472 AZN (14.99 faiz), orta ölçülmüş qiyməti 99.0287 AZN (12.61 faiz) müəyyən edilib. Hərrac nəticəsində istiqrazların yerləşdirilmiş həcmi 206 833 300,00 AZN olub. Notlar 2018-ci il yanvarın 17-də ödəniləcək.
