Gələn il Azərbaycanda 5 471,5 kq qızıl filiz və konsentratının hasil olunacağı proqnozlaşdırılır. Bu da 2017-ci ilin proqnozu ilə müqayisədə 3% artım deməkdir

Yenixeber.org: Bu barədə İqtisadiyyat Nazirliyinin 2018-ci il və sonrakı 3 il üzrə iqtisadi proqnozlar göstəricilərinə istinadən xəbər verir.

Qızıl hasilatının 2019-cu ildə 5 635,7 kq (2017-ci ilin proqnozu ilə müqayisədə 6,1% çox), 2020-ci ildə 5 804,7 kq (2017-ci ilin proqnozu ilə müqayisədə 9,3% çox) və 2021-ci ildə 5 978,9 kq (2017-ci ilin proqnozu ilə müqayisədə 12,6% çox) olacağı gözlənilir.

Proqnoza əsasən, gümüş hasilatı isə qarşıdakı 4 ildə 2017-ci ilin proqnozu ilə eyni səviyyədə qalacaq. Belə ki, 2017-2021-ci illərdə hər il 355 kq gümüş filiz və konsentratı hasilatı proqnozlaşdırılır.

Mis filiz və konsentrat hasilatında isə 2018-ci ildə ciddi artım nəzərdə tutulub. Belə ki, 2018-ci ildə 4 466,0 kq mis hasilatı proqnozlaşdırılır ki, bu da 2017-ci illə müqayisədə 80,6% çoxdur. 2019-2020-ci illərdə hasilatın eyni səviyyədə qalması, 2021-ci ildə artaraq 5 987,9 kq təşkil edəcəyi gözlənilir.