AZ
RU
Un bahalaşdı
Paytaxtın topdansatış mərkəzlərində unun bahalaşması halları müşahidə olunur
Sahibkarlar qiymət artmının artıq narahatlıq yaratdığını deyirlər.
"Xeberinfo.com" ans tv-yə istinadən xəbər verir, ölkədə un istehsalı və idxalı ilə məşğul olan aparıcı şirkətlər bildiriblər ki, 50 kiloluq kisənin qiyməti 30 qəpik artıb. Bu isə cüzi rəqəm olduğundan çörəyin qiymətinə təsir etməməlidir. Bahalaşmanın əsas səbəbi isə dünya bazarında unun və buğdanın qiymətinin artmasıdır.
Amma istehsalçıların sözlərinə görə, unun bahalaşması çörəyin qiymətinə də təsir edəcək. Amma hələlik onlar bunu etmədiklərini deyirlər. Lakin mövcud qiymətlərlə bazarda rəqabət aparmağın mümkün olmadığını da etiraf edirlər.
İqtisadçılar bildirirlər ki, unun bahalaşması çörək istehsalı ilə məşğul olan xırda və orta sahibkarların fəaliyyətinə mənfi təsir edəck. Çünki əsas iri çörək zavodları dəyirmanların da daxil olduğu nəhəng şirkətlərə məxsusdurlar. Bu isə bahalaşmanın onlara təsir etməyəcəyini deməyə əsas verir. Bahalaşma kiçik zavodlarda müşahidə olunacaq.
Başqa sözlə, belə getsə kiçik istehsalçılar tədricən bazarı tərk etməli olacaqlar.
