AZ
RU
“Azərbaycan neft hasilatını artıracaq”
2016-cı ildə Azərbaycan və Rusiyada neft hasilatı artdığı bir vaxtda, Qazaxıstan və MDB-nin digər ölkələri “qara qızıl” istehsalını azaldacaq.
Xeberinfo.com: Bu barədə OPEC-in oktyabr ayı üzrə hesabatında deyilir.
OPEC Azərbaycanda orta sutkalıq neft hasilatının 870 min barrel səviyyəsində olacağını proqnozlaşdırır. Bundan öncəki hesabatında da OPEC Azərbaycanda hasilatın qeyd edilən səviyyədə olacağını proqnoz verib. Beləliklə, kartel Azərbaycanda orta sutkalıq hasilatın 10 min barrel artacağı ilə proqnozunu saxlayıb.
Avqust ölkəmizdə sutkalıq xam neft istehsalı 30 min barrel azalaraq 860 min barrelə enib.
Bildirilir ki, ümumilikdə cari ilin I yarısında ölkə üzrə sutkalıq neft istehsalı stabil səviyyədə saxlanılaraq 870 min barrel təşkil edib ki, bu da ötən ilin müvafiq dövrü ilə müqayisədə eyni, ötən ilin II yarısı ilə müqayisədə isə 20 min barrel çoxdur.
