Redaktor seçimi
Mingəcevirin İcra başçısı kütləvi narazılıq yaradır:  Sahibkar “Seyid”in xatirinə -
Anar Nağıyev beş yüz minlik tədbirləri harada keçirib ki, BSU-da heç kimi xəbəri yoxdu -
Gəncə Dövlət Universiteti belə idarə olunur: gündüzlər rektorun yanında, axşamlar isə...-
MÜLKİYYƏTƏ ZORAKILIQ: “Versal Palace” MTK-nın qanunsuz əməlləri və hüquqi fəsadları
“Olympus” MTK kütləvi narazılıq yaradır:
Abşeronda Birlik sədri “bulanıq suda belə gizlənir”:
Müəllim şərəfinə VƏFAsızlıq nümunəsi: Həm sözdə, həm əməldə RÜSVAYÇILIQ –
BSU-nun rektoru Anar Nağıyevə "İTTİHAM YAĞIŞI":
Günün xəbəri

“DÜNYA ARTIMLA İRƏLİ, BİZ ENİŞLƏ GERİ GEDİRİK!”

qubad

“Sivil dünya  bilik iqtisadiyyatı yaradır,  müasir Azərbaycan pambığa, tütünçülüyə, baramaçılığa  qayıdır”

“İslam Həmrəyliyi Oyunlarına bir necə gün üçün 211,7 milyon manat, elmə 1 il üçün 125 milyon manat büdcədən vəsait ayırılır”

Xeberinfo.com:   Tanınmış iqtisadçı alim Qubad İbadoğlu özünün facebook səhifəsində Azərbaycan hökumətinin iqtisadi platformada yeritdiyi siyasəti dünya iqtisadi siyasətinin fonunda dəyərləndirərək, öz fikirlərini paylaşıb. Onun fikirlərini oxucularımıza təqdim edirik:

“Sivil dünya ticarətdə açıqlığı, biz himayəçiliyi dəstəkləyirik. Sivil dünya gömük tariflərini aşağı salır, Azərbaycan gömrük rüsumlarını artırır.

Sivil dunya elmə və inkişafa (R&D) sərmayəni artırır, müasir Azərbaycan elmə və inkişafa sərmayəni ixtisar edir. Bu illə müqayisədə gələn ilin dövlət büdcəsində elm xərcləri 7,3 faiz az, dövlət əsaslı vəsait qoyuluşu 38 faiz az proqnozlaşdırılıb.

Sivil dünya innovativ məhsullara investisiya edir, bilik iqtisadiyyatıı yaradır, beyin məhsulu satır, müasir Azərbaycan ənənəvi təsərrüfatçılıq məhsullarına – pambıqa, tütünçülüyə, baramaçılığa – qayıdır.

Sivil dünya rəqabəti, müasir Azərbaycan inhisarçılığı dəstəkləyir, mərkəzləşdirilmə funksiyasına malik dövlət “Ərzaq məhsullarının tədarükü və təchizatı” Açıq Səhmdar Cəmiyyəti yaradır və onun fəaliyyətinə prezidentin ehtiyat fondundan dəstək verilir.

Sivil dünya xüsusi mülkiyyəti qoruyur, onun sahibinin hüquqlarını artırır, müasir Azərbaycan sosial ehtiyaclar üçün mülkiyyətin məhdudlaşdırılmasına dair Konstitusiyaya dəyişiklik edir.

Sivil dünya mülkiyyət sahiblərinə dair informasiyaları açıqlayır, müasir Azərbaycan həmin məlumatlara girişi məhdudlaşdırmaqla yanaşı onları yayanları cəzalandırır.

Sivil dünya izafi xərclər yaradan idman yarışlarından və əyləncələrdən imtina edir, müasir Azərbaycan birinci və sonuncu Avropa oyunlarına ev sahibliyi edir, dördüncü İslam Həmrəyliyi Oyunlarına bir necə gün üçün 211,7 milyon manat, elmə 1 il üçün 125 milyon manat büdcədən vəsait ayırır.

Sivil dünya elektro-mobil avtomobillərə keçir, müasir Azərbaycan hələ də yanacaq sərfi yüksək olan “Lexus LX 570″, “BMW X6″-ya üstünlük verir.

Dünya iqtisadiyyati 2,4 faiz artımla irəli, Azərbaycan iqtisadiyyatı 3,1 faiz enişlə geri gedir.
Sizcə, biz hara gedirik? Bəlkə sivil dünya yolunu azıb?!”


Facebook-da paylaş

Yeni xəbərlər

Reklam

Reklam