AZ
RU
UEFA Türkiyə və Litva klublarına qarşı
UEFA Türkiyənin “Bursaspor” və Litvanın “Ekranas” futbol klublarını cəzalandırıb.
"Xeberinfo.com": Məlumata görə, buna səbəb hər klubun maliyyə “feyr-pley” qaydalarına riayət etməməsi olub. Avropa futbol qurumu hər iki komandanı 1 il avrokuboklardan kənarlaşdırıb. Litva təmsilçisi yaxın iki, Türkiyə klubu isə dörd il ərzində avrokuboklara vəsiqə qazanacağı halda qitə miqyaslı turnirlərə buraxılmayacaq. Bundan başqa, “Ekranas” 15 min avro, “Bursaspor” klubu isə 100 min avro cərimə ödəyəcək.
UEFA-nın Araşdırmalar Palatası instansiyasının Maliyyə Nəzarəti Komitəsi Rumıniya ÇFR-i və “Astra” klublarına da xəbərdarlıq edib. Bu komandalar yanvarın sonuna kimi sübut etməlidir ki, mövcud borcları ödəyib. Əks halda adı çəkilən komandalar 3 il ərzində avrokuboklardan uzaqlaşdırılacaq.
